ဘဏ်ဖောက်သည်များရဲ့ 45%ကတော့ ဘစ်ကွိုင် အရောင်းအဝယ်က ဒေါ်လာ 40,000 (သို့) ဒေါ်လာ 40,000 အောက်မှာ ဖြစ်လိမ့်မယ်လို့ ထင်မြင်ခဲ့ကြပါတယ်။

ဂျေပီမော်ဂန်ကတော့ စစ်တမ်း ကောက်ယူချက်အရ ၎င်းရဲ့ ဖောက်သည်အများစုကတော့ ယခုနှစ်ကုန်မှာ ဘစ်ကွိုင်က ဒေါ်လာ 6သောင်း(သို့) အဲဒီ့ထက် ပိုတဲ့ ဈေးနဲ့ အရောင်းအဝယ်ဖြစ်မယ်လို့ မျှော်လင့်ထားကြောင်း ပြောကြားခဲ့ပါတယ်။

ဝေါစထရီရဲ့ ကုမ္ပဏီကြီးကတော့ ပြီးခဲ့တဲ့ အပတ်က ထုတ်ဝေခဲ့တဲ့ မှတ်စုမှာ စစ်တမ်းကောက်ယူမှုကို ဖြေခဲ့တဲ့ ဖောက်သည်များရဲ့ 55%က ဘစ်ကွိုင်ဈေးနှုန်းက  ဒေါ်လာ 6သောင်းကို ရောက်ရှိလိမ့်မယ်လို့ ထင်မြင်ကြကြောင်း ပြောကြားခဲ့ပါတယ်။

စစ်တမ်းအရ ဘဏ်ဖောက်သည်များရဲ့ 41%ကတော့ နှစ်ကုန်မှာ ဒေါ်လာ 60,000 နဲ့ ဘစ်ကွိုင် အရောင်းအဝယ်ဖြစ်မယ်လို့ ထင်မြင်ကြပြီး၊ 9% ကတော့ ဒေါ်လာ 80,000 ကျော်၊  5% ကတော့ ဒေါ်လာ 100,000ကျော်နဲ့ အရောင်းအဝယ် ဖြစ်မယ့်လို ထင်မြင်ခဲ့ကြပါတယ်။

အခြားတစ်ဖက်မှာတော့ ဘဏ်ဖောက်သည်ရဲ့ 20%ကတော့ ဘစ်ကွိုင်က ဒေါ်လာ 40,000 ဝန်းကျင်မှာ အရောင်းအ၀ယ်ဖြစ်မည်လို့ ထင်ကြပြီး၊ 23%ကတော့ ဒေါ်လာ 20,000ဝန်းကျင်၊ 2%ကတော့ ဒေါ်လာ 10,000 (သို့) ဒေါ်လာ 10,000အောက် ဈေးနဲ့

ပြိုင်ဘက် ရင်းနှီးမြုပ်နှံမှုဘဏ်ဖြစ်တဲ့ ဂိုးမန်း ဆား(Goldman Sachs)ကတော့ ဒီလ အစောပိုင်းက ထုတ်ခဲ့တဲ့ အစီရင်ခံစာ တစ်ခုမှာ လာမယ့် ငါးနှစ်အတွင်း ဒစ်ဂျစ်တယ်ငွေကြေးများရဲ့ ပိုင်ဆိုင်ထားရှိမှု တန်ဖိုးက 50% တက်လာမယ်ဆိုရင် ဘစ်ကွိုင်ဈေးနှုန်းက ဒေါ်လာ 100,000နဲ့ အထက်ကို ရောက်ရှိနိုင်တယ်လို့ ရေးသားထားပါတယ်။

ဘစ်ကွိုင်ကတော့ လက်ရှိ ဒီသတင်း ရေးသားချိန်မှာ ဒေါ်လာ 42,781 ခန့်နဲ့ အရောင်းအဝယ်ဖြစ်နေခဲ့ပါတယ်။

သတင်းအရင်းအမြစ်: Coindesk

❄️❄️❄️❄️❄️❄️❄️

📧 ဆန်းဒေးဆွပ် DEX(SundaeSwap DEX)က ကာဒန်နို(Cardano) ဈေးကို ပိုတက်စေ (2022.01.17)

တနင်္လာနေ့ ဥရောပအချိန် မနက်ပိုင်းမှာ ကာဒန်နိုစျေးနှုန်းများက ဒေါ်လာ 1.55 ကို မြင့်တက်ခဲ့ပါတယ်။  တနင်္ဂနွေနေ့ရဲ့ အနိမ့်ဆုံးဈေးဖြစ်တဲ့ ဒေါ်လာ1.28ကနေ မြင့်တက်လာခဲ့တာပါ။

ဆန်းဒေးဆွပ် DEXကတော့ အခု တစ်ပတ် နှောင်းပိုင်းမှာ ဘီတာ(beta)ပုံစံဖြင့် ကာဒန်နိုမှာ စတင်မှာ ဖြစ်ပါတယ်။ ကာဒန်နိုကိုင်(ADA)ဈေးနှုန်းကတော့ 24နာရီအတွင်း 13%မြင့်တက်လာခဲ့ပြီး၊ အဲဒါကတော့ ကာဒန်နိုဘလော့ချိန်းရဲ့ ပထမဆုံး ဗဟိုချုပ်ကိုင်မှု မရှိတဲ့ ဘဏ္ဍာရေးဝန်ဆောင်မှု ဆောဖ်ဝဲ(DeFi)ဖြစ်တဲ့ ဆန်းဒေးဆွပ်ကို ကြာသပတေးမှာ စတင်ဖို့ ပြင်ဆင်ထားတာကြောင့်ပါ။

“ဆန်းဒေးဆွပ်ကတော့ အပြည့်အဝ လုပ်ဆောင်နိုင်တဲ့ ဘီတာ(beta)ပုံစံ  ဗဟိုချုပ်ကိုင်မှု မရှိတဲ့ အိတ်ချိန်း(DEX)အဖြစ် စတင်မှာ ဖြစ်တယ်”လို့ ပရောဂျက်ရဲ့ ဖန်တီးသူများက တနင်္ဂနွေနေ့ ဘလော့မှာ အတည်ပြု ပြောကြားခဲ့ပါတယ်။  ပရောဂျက်ကတော့ အင်္ဂါနေ့ နောက်ပိုင်းမှာ ၎င်းတို့ရဲ့ တိုကင်များအတွက် အရောင်းအဝယ်အဖွဲ့များကို ဖန်တီးခွင့်ပြုမယ်လို့ ထပ်လောင်း ပြောကြားခဲ့ပါတယ်။

ကာဒန်နိုဈေးနှုန်းကတော့ တနင်္လာနေ့ ဥရောပအချိန် မနက်ပိုင်းမှာ ဒေါ်လာ 1.55 ကို မြင့်တက်လာခဲ့တာ ဖြစ်ပြီး တနင်္ဂနွေနေ့ရဲ့ အနိမ့်ဆုံးဈေးဖြစ်တဲ့ ဒေါ်လာ1.28ကနေ မြင့်တက်လာခဲ့တာပါ။ ဈေးနှုန်းဇယားကို ကြည့်လိုက်ရင် ဒေါ်လာ 1.5က အတိတ်က ရှိခဲ့တဲ့ ဈေးရဲ့ အနိမ့်ဆုံး ဈေးဖြစ်ပြီး အချို့သော အမြတ်အစွန်း ရယူမှုများ ဖြစ်ပေါ်လာနိုင်ကာ ဈေးနှုန်းများကို အောက်ကို တွန်းပို့နိုင်ပါတယ်။

ဆန်းဒေဆွပ်(SUNDAE)ကတော့ အခြား ဗဟိုချုပ်ကိုင်မှု မရှိတဲ့ အိတ်ချိန်းများလိုပဲ  စမတ်စာချုပ်ကို အသုံးပြုကာ အသုံးပြုသူများအကြား တိုကင်အရောင်းအဝယ်ကို ကိုက်ညီစေပြီး၊ အရောင်းအဝယ် ဝန်ဆောင်းကြေး တစ်စိတ်တစ်ပိုင်းကိုတော့ ပလပ်ဖောင်းမှာ ငွေဖြစ်လွယ်မှုအတွက် ရင်းနှီးမြှုပ်နှံထားကြသူများကို ခွဲဝေပေးပါတယ်။ အဲဒီ့ လုပ်ငန်းစဉ်ကိုတော့ “အကျိုးအမြတ် စိုက်ပျိုးခြင်း(Yield Farming)”လို့ ခေါ်ပါတယ်။

အိတ်ချိန်း အသုံးပြုသူများကတော့ ဆန်းဒေးဆွပ် စတင်ပြီး 6လအတွင်း ဆန်းဒေးဆွပ် ဆုလာဘ်များကို ရရှိနိုင်မှာ ဖြစ်ပါတယ်။  ဒါပေမဲ့ စတင်ချိန် အစပိုင်းမှာတော့ လုပ်ဆောင်နိုင်မှုများကို ကန့်သတ်ထားခြင်းနဲ့ “အချိန် တစ်ခုကနေ ရက်တစ်ခုအထိ” ကိုက်ညီမှု အချိန် သတ်မှတ်ထားခြင်းလိုမျိုး ဘီတာ မိတ်ဆက်ခြင်းအပိုင်း(Beta Rollout)တွေ ရှိပါတယ်။

"DEXရဲ့ စမတ်စာချုပ်တွေကို အပြည့်အဝ စစ်ဆေးပြီးဖြစ်ပြီး၊ DEXကတော့ လုံခြုံရေးအတွက် လုပ်ငန်းပိုင်းဆိုင်ရာ စံနှုန်းများ အားလုံးနဲ့ ကိုက်ညီပြီး ဖြစ်ပေမဲ့ ကာဒန်နို ဘလော့ချိန်းရဲ့ လက်ရှိ အရောင်းအဝယ် ပမာဏ ကန့်သတ်ချက်ကြောင့် အပြည့်အဝ ဗဟိုချုပ်ကိုင်မှု မရှိတဲ့ စီမံအုပ်ချုပ်မှုကို ချက်ချင်း အကောင်အထည်ဖို့ မဖြစ်နိုင်သေးဘူး”လို့ အဖွဲ့က ပို့စ်တစ်ခုမှာ ရှင်းပြထားပါတယ်။

အခြား ဘလော့ချိန်းများမှာ တည်ဆောက်ထားတဲ့ ထိပ်တန်း DEX များကတော့ ဒစ်ဂျစ်တယ်ငွေကြေးဈေးကွက်ရဲ့ တန်ဖိုးအရှိဆုံး ဝန်ဆောင်မှု အချို့ဖြစ်ပါတယ်။ အီသာရီရမ်ကို အခြေခံထားတဲ့ ယူနီဆွတ်(Uniswap၊ UNI)ရဲ့ တိုကင်များကတော့  စျေးကွက် စုစုပေါင်းတန်းဖိုး ဒေါ်လာ 7.7 ဘီလီယံခန့်ရှိပြီး၊ ဘိုင်းနန့်စမတ်ချိန်း(Binance Smart Chain)ကို အခြေခံထားတဲ့ ပန်ကိတ်ဆွပ်(Pancakeswap၊ CAKE)ကတော့ ဈေးကွက် စုစုပေါင်းတန်ဖိုး ဒေါ်လာ 3.2 ဘီလီယံရှိကြောင်း ကွိုင်ဂတ်ကို(CoinGecko)ရဲ့ လေ့လာမှု ဒေတာအရ သိရပါတယ်။

သတင်းအရင်းအမြစ်: Coindesk

❄️❄️❄️❄️❄️❄️❄️

📧 တက်သာကုမ္ပဏီ(Tether)က  အီသာရီရမ်ဘလော့ချိန်းပေါ်က ဒေါ်လာ 160မီလီယံ တန်ဖိုးရှိ USDT စတေဘယ်ကွိုင် အကောင့် ပိတ်ဆို့ (2022.01.14)

တက်သာကနေ နောက်ဆုံးအကြိမ် အကောင့်ကို ပိတ်ဆို့မှု ပြုလုပ်ခဲ့တာကတော့ ဒီဇင်ဘာလနှောင်းပိုင်းက ဖြစ်ပါတယ်။

စတေဘယ်ကွိုင် ထုတ်လုပ်တဲ့ တက်သာကုမ္ပဏီကတော့ ကြာသပတေးနေ့မှာ အီသာရီရမ် ဘလော့ချိန်းပေါ်က အကောင့် 3ခုကို ပိတ်ဆို့လိုက်ပြီး ဒေါ်လာ 160မီလီယံ တန်ဖိုးရှိတဲ့ USDTတွေကို မရွှေ့ပြောင်းနိုင်အောင် ပြုလုပ်လိုက်တယ်လို့ အီသာစကန်ရဲ့ အချက်အလက်တွေအရ သိရပါတယ်။

အကောင့် 3ခုကတော့ အခုအခါမှာတော့ ငွေများကို ရွှေ့ပြောင်းနိုင်တော့မှာ မဟုတ်ပါဘူး။  စုစုပေါင်းဆိုရင် တက်သာကုမ္ပဏီကတော့ 2017ခုနှစ် နိုဝင်ဘာလကနေ စတင်ပြီး အီသာရီရမ် ဘလောချိန်းပေါ်က လိပ်စာ 563 ခုကို အမည်ပျက် စာရင်းသွင်းခဲ့တယ်လို့ ဘလောက်စီ ဘလော့(Bloxy block)လေ့လာသူက ပြောပါတယ်။

တက်သာကတော့ သံသယဖြစ်ဖွယ် အကောင့်များကို ကြီးကြပ်ဖို့အတွက် စည်းကမ်းထိန်းသိမ်းရေးအဖွဲ့များနဲ့ ပုံမှန် လုပ်ဆောင်ခဲ့ကြောင်း ယခင်က ပြောကြားခဲ့ပါတယ်။

ဒေါ်လာ 1သန်းကျော် တန်ဖိုးရှိတဲ့ USDTအကောင့်ကတော့ ဒီဇင်ဘာလနှောင်းပိုင်းမှာ ပိတ်ဆို့ခြင်း ခံခဲ့ရတာပါ။

ဘလော့ချိန်း အများအပြားပေါ်မှာ တိုကင်များ ထုတ်နေတဲ့ တက်သာကတော့ ကုမ္ပဏီကနေ USDT ဒေါ်လာ သန်း 30 ခိုးယူခံရတယ်လို့ ပြောခဲ့တဲ့ 2017ခုနှစ် နိုဝင်ဘာလ ချိုးဖောက်မှု တစ်ခုအပြီးမှာ လိပ်စာများ အမည်ပျက်စာရင်းသွင်းခြင်းကို စတင်ခဲ့ပါတယ်။

"ဒီနေ့မှာတော့ တက်သာက တရားဥပဒေ စိုးမိုးရေးရဲ့ တောင်းဆိုမှု တစ်ခုအရ ဒေါ်လာ 160 မီလီယံတန်းဖိုးရှိ USDTများ ပါရှိတဲ့ အီသာရီရမ် ဘလော့ချိန်ပေါ်က လိပ်စာ 3ခုကို ပိတ်ဆို့လိုက်ပါတယ်။ လတ်တလောမှာတော့ အသေးစိတ် အကြောင်းအရာများနဲ့ ပက်သက်ပြီး ထုတ်ပြန်နိုင်ခြင်း မရှိသေးပါဘူး”လို့ တက်သာရဲ့ ပြောရေးဆိုခွင့်ရှိသူတစ်ဦးက အီးမေးလ်နဲ့ စာပြန်ခဲ့ပါတယ်။

သတင်းအရင်းအမြစ်: Coindesk

❄️❄️❄️❄️❄️❄️❄️

📧 BOA(Bank of America)ကတော့ ဆိုလာနာ(Solana)က ဒစ်ဂျစ်တယ် ပိုင်ဆိုင်မှု ကမ္ဘာရဲ့ ဗီဇာကဒ်(Visa) ဖြစ်လာနိုင်လို့ ပြော (2022.01.13)

ဆိုလာနာနဲ့ အခြား ဘလော့ချိန်းများက အချိန်ကြာလာတာနဲ့အမျှ အီသာရီရမ်ရဲ့ ဈေးကွက်ပိုင်ဆိုင်မှုကို လုယူသွားနိုင်တယ်လို့ ဘဏ်က သုတေသနမှတ်ချက် တစ်ခုမှာ ပြောခဲ့ပါတယ်။

ဆိုလာနာဘလော့ချိန်းက “ဒစ်ဂျစ်တယ် ပိုင်ဆိုင်မှု ကမ္ဘာရဲ့ ဗီဇာကဒ်(Visa)” ဖြစ်လာနိုင်ပြီး၊ အဲဒါကတော့ ၎င်းက အဆင့်မြင့်တင်ခြင်း၊ သက်သာတဲ့ ဝန်ဆောင်ကြေးနဲ့ အသုံးပြုရ လွယ်ကူခြင်းတွေကြောင့် ဖြစ်တယ်လို့ ဘဏ်က ဆိုလာနာ ဖောင်ဒေးရှင်းအဖွဲ့ဝင် လစ်လီ လျှို(Lily Liu)ကို တွေ့ဆုံပြီးနောက်မှာ သုတေသနမှတ်ချက် တစ်ခုမှာ ပြောခဲ့ပါတယ်။

ဆိုလာနာကတော 2020ခုနှစ် စတင် အသုံးပြုချိန်ကတည်းက လူအများ လက်ခံခြင်းကို ခိုင်ခိုင်မာမာ ရရှိခဲ့ပါတယ်။ ၎င်းကတော့ လွှဲပြောင်းမှုပေါင်း 50 ဘီလီယံကျော်ကို လုပ်ဆောင်ခဲ့ပြီး (Visa၊ နိုင်ငံတကာ ငွေပေးချေမှု လုပ်ငန်းကြီးဖြစ်တဲ့ ဗီဇာကုမ္ပဏီကတော့ 9လပိုင်း 30ရက်နေ့အထိ လွှဲပြောင်းမှုပေါင်း 164.7 ဘီလီယံကို လုပ်ဆောင်ခဲ့)၊ စုစုပေါင်း တန်ဖိုးကတော့ ဒေါ်လာ 11ဘီလီယံကျော် ရှိပြီး၊ 5.7သန်းကျော်တဲ့ ပုံတူကူးမရတဲ့ တိုကင်(NFTs)တွေကို ဝယ်ယူဖို့ အသုံးပြုခံခဲ့ရတယ်လို့ လေ့လာသူဖြစ်တဲ့ အာကတ် ရှာ(Alkesh Shah)က အင်္ဂါနေ့မှာ ထုတ်ပြန်ခဲ့တဲ့ မှတ်ချက်တစ်ခုမှာ ရေးသားခဲ့ပါတယ်။ ဆိုလာနာကတော့ အသေးစား ငွေပေးချေမှုနဲ့ ဂိမ်းတွေမှာ အသုံးပြုသူတွေအတွက် အကောင်းဆုံးဖြစ်အောင် ပြုလုပ်ထားတယ်လို့ ဘဏ်ကနေ ပြောကြားခဲ့ပါတယ်။

"ဆိုလာနာကတော့ ချဲ့ထွင်နိုင်မှုကို ဦးစားပေးထားပေမဲ့ ဗဟိုချုပ်ကိုင်မှု မရှိခြင်းအပိုင်းနဲ့ ဘလော့ချိန်း လုံခြုံရေးအပိုင်းမှာ အားနည်းတာကြောင့် စတင်ချိန်ကနေ စပြီး ကွန်ရက် လုပ်ဆောင်မှုနဲ့ ပက်သက်ပြီး ပြဿနာများ ရှိခဲ့တယ်”လို့ ရှာက ပြောခဲ့ပါတယ်။  "အီသာရီရမ်ကတော့ ဗဟိုချုပ်ကိုင်မှု မရှိခြင်းနဲ့ လုံခြုံရေးကို ဦးစားပေးထားလို့ ချဲ့ထွင်နိုင်ခြင်းက အားနည်းပြိး ကွန်ရက် ပိတ်ဆို့ခြင်းနဲ့ ငွေလွှဲ ဝန်ဆောင်ခများက တစ်ခါတစ်ရံမှာ ပေးပို့တဲ့ ငွေကြေးထက် ပိုများနေတာမျိုး ရှိပါတယ်။”

BOAကတော့ ဆိုလာနာနဲ့ အခြား ဘလော့ချိန်းများက အချိန်ကြာလာတာနဲ့အမျှ အီသာရီရမ်ရဲ့ ဈေးကွက်ပိုင်ဆိုင်မှုကို လုယူသွားနိုင်ပြီး၊ အသုံးပြုသူများရဲ့ လက်ခံမှုနဲ့ ဖန်းတီးသူများရဲ့ စိတ်ဝင်စားမှုတွေကြောင့် တစ်ဖြည်းဖြည်း ကွာခြားလာမယ်လို့ ပြောခဲ့ပါတယ်။

သတင်း အရင်းအမြစ်: Coindesk

❄️❄️❄️❄️❄️❄️❄️

📧 ဗဟိုအထိန်းအချုပ်မဲ့ အပ်ပလီကေးရှင်း ဒီအပ်(dapp)ဆိုတာ ဘာလဲ

ဗဟိုအထိန်းအချုပ်မဲ့ အပ်ပလီကေးရှင်း (သို့) ဒီအပ်(dapp)တွေကို အီသာရီရမ်ပေါ်မှာ တည်ဆောက်ထားပြီး သုံးစွဲသူတွေကို သူတို့ရဲ့ ငွေကြေးနဲ့ အချက်အလက်တွေအပေါ်  ပိုပြီး ထိန်းချုပ်မှု ပေးနိုင်ဖို့ ရည်ရွယ် ထားတာ ဖြစ်ပါတယ်။

ဗဟိုအထိန်းအချုပ်မဲ့ အပ်ပလီကေးရှင်း(ဒီအပ်) တွေက ပုံမှန် သုံးစွဲသူ အပ်ပလီကေးရှင်းတွေရဲ့ ဝန်ဆောင်မှုတွေကိုပဲ ပေးတာပါ။ ဒါပေမယ့် ဒီအပ်တွေကတော့ အချက်အလက်တွေကို စီမံဖို့ ကြားခံအဖွဲ့အစည်းကို ပယ်ဖျက်လိုက်ပြီး သုံးစွဲသူတွေက သူတို့ရဲ့ အချက်အလက်တွေကို ပိုမို ထိန်းချုပ်နိုင်အောင် ဘလော့ချိန်း နည်းပညာကို အသုံးပြုပါတယ်။ ဒါကြောင့်လည်း သူတို့ရဲ့ ဝန်ဆောင်မှုကို ဗဟိုအထိန်းအချုပ်မဲ့တဲ့ ဝန်ဆောင်မှုတစ်ခု ဖြစ်လာစေတာပါပဲ။

ဒီဂျစ်တယ် အပ်ပလီကေးရှင်းတွေက ဒီနေ့ခေတ်မှာ နေရာတကာမှာ ရှိနေပါပြီ။ သုံးစွဲသူတွေကလည်း အပ်ပလီကေးရှင်းတွေကို အီးမေးလ်ပို့တဲ့ နေရာမှာ၊ ပါကင်ထိုးခ ပေးတဲ့နေရာ၊ ရက်စွဲတွေ ရှာတဲ့နေရာနဲ့ တခြားနေရာတွေ အများကြီးမှာ သုံးကြပါတယ်။ သမားရိုးကျ ထိန်းချုပ်မှုနဲ့ ပိုင်ဆိုင်မှု စနစ်အတိုင်း၊ သုံးစွဲသူတွေက ပုဂ္ဂိုလ်ရေးအချက်အလက်တွေကို ဝန်ဆောင်မှုပေးတဲ့ ကုမ္ပဏီကို လွှဲပြောင်းပေးရပါတယ်။ ဗဟိုအထိန်းအချုပ်မဲ့ အပ်ပလီကေးရှင်းတစ်ခုနဲ့ဆိုရင် သုံးစွဲသူတွေက အချက်အလက်တွေကို သိမ်းဆည်းပြီး လုံခြုံစေဖို့အတွက် ဘယ်သူ့ကိုမှ ယုံကြည်စရာမလိုဘဲ သီအိုရီပိုင်းအရ သူတို့က သူတို့ရဲ့ ငွေကြေးတွေနဲ့ ပုဂ္ဂိုလ်ရေးအချက်တွေကို ပိုပြီး ထိန်းချုပ်နိုင်ပါတယ်။ ဒါပေမယ့်လည်း တချို့ ကျွမ်းကျင်သူတွေကတော့ ဒါကို လက်တွေ့လုပ်ဆောင်နိုင်မလားဆိုတာနဲ့ ပက်သက်ပြီး သံသယဖြစ်နေကြပါတယ်။

ကမ္ဘာ့ ဒုတိယအကြီးဆုံး ဒီဂျစ်တယ်ငွေကြေးကို သုံးလို့ရတဲ့ ပလက်ဖောင်းတစ်ခုဖြစ်တဲ့ အီသာရီရမ်ကို တည်ထောင်တဲ့ လုပ်ငန်းရှင်တွေရဲ့ အဓိက ရည်မှန်းချက်တစ်ခုက ဒီလို အပ်ပလီကေးရှင်းတွေကို ပိုပြီး လွယ်လွယ်ကူကူနဲ့ ဖန်းတီးနိုင်စေဖို့ ဖြစ်ပါတယ်။  ဒီရည်မှန်းချက်ကို ရနိုင်ဖို့ကလည်း အခက်အခဲတွေ အများကြီး ရှိပါတယ်။

ဒါပေမဲ့ တိုးတက်မှုတွေတော့ ရှိလာပါတယ်။ တွစ်တာ အစားထိုး အပ်ပလီကေးရှင်းကနေ ဗဟိုအထိန်းအချုပ်မဲ့ ပုံရိပ်သိမြင်ဂိမ်းတွေအထိ ရာနဲ့ချီတဲ့ ဒီအပ်တွေက ဒီနေ့အချိန်မှာ အီသာရီရမ်ပေါ်မှာ ရှိနေပါပြီ။ အများစုကတော့ နှေးပြီး သုံးရတာ မလွယ်ကူပါဘူး။  ဒါပေမဲ့ ဗဟိုအထိန်းအချုပ်မဲ့ အပ်ပလီကေးရှင်းတွေရဲ့ အကောင်းဆုံးပုံစံကို ရေရှည်မှာ သိလာအောင် စွမ်းဆောင်ပေးနိုင်ပါတယ်။ ဖန်တီးသူတွေကတော့ 2020ခုနှစ် ဒီဇင်ဘာ 1 ရက်မှာ  စထွက်လာမယ့် အကြာကြီးစောင့်ခဲ့ရတဲ့ အီသာရီရမ် အဆင့် 2.0 ကတော့ ဒီပြဿနာကို လာမယ့် နှစ်ပိုင်းအတွင်းမှာ လွယ်ကူအဆင်ပြေသွားစေမယ်လို့ မျှော်လင့်ထားကြပါတယ်။

ဒီအပ် တစ်ခု ဘယ်လို အလုပ်လုပ်လဲ

အီသာရီရမ် ပေါ်မှာ ဆောက်ထားတဲ့  ဒီအပ်တွေက သုံးစွဲသူတွေကို တိုက်ရိုက်ချိတ်ဆက်ပေးဖို့ ဘလော့ချိန်း နည်းပညာကို သုံးပါတယ်။ ဘလော့ချိန်းတွေက ဖြန့်ကျက်ထားတဲ့ စနစ်ကို အတူတကွ စုစည်းစေတဲ့ နည်းလမ်းတစ်ခုဖြစ်ပြီး သုံးစွဲသူတစ်ယောက်ချင်းစီမှာ မှတ်တမ်းတွေရဲ့ မိတ္တူတွေရှိပါတယ်။ ဘလော့ချိန်းတွေကို သုံးထားတဲ့အတွက် သုံးစွဲသူတွေက ကြားခံအဖွဲ့အစည်းတွေကို သုံးစရာ မလိုတော့ပါဘူး။ ဆိုလိုတာက သူတို့ရဲ့ အချက်အလက်တွေကို တခြားတစ်ယောက်ကို ပေးစရာ မလိုတော့ပါဘူး။

သဘောသဘာဝအရ ဗဟိုကနေ ထိန်းချုပ်တဲ့ စနစ်တွေက ၎င်းတို့ရဲ့ ကွန်ရက်မှာ အဝင်အထွက် စီးဆင်းနေတဲ့ အချက်အလက်တွေနဲ့ ပက်သက်ပြီး ထိန်းချုပ်နိုင်တဲ့ အာဏာရှိပါတယ်။ ဥပမာပြောရရင် ဘဏ္ဍာရေးအဖွဲ့အစည်းတွေက ငွေလွှဲမရအောင် တားနိုင်ပြီး တွစ်တာကတော့ ၎င်းရဲ့ ပလက်ဖောင်းကနေ တင်ထားတဲ့ ပို့စ်တွေကို ဖျက်ပစ်နိုင်ပါတယ်။ ဒီအပ်တွေကတော့ ဒီလို ဖျက်ပစ်တာတွေကို တားမရဘူး ဆိုရင်တောင် ခက်ခဲအောင် လုပ်ပစ်ပြီး သုံးစွဲသူတွေကို ထိန်းချုပ်မှုရစေပါတယ်။

ဒီအပ်ဆိုတာက သဘောတရား အသစ်တစ်ခု ဖြစ်တဲ့အတွက် ဒီအပ်က ဘာလဲဆိုတာကို သဘောတူ သတ်မှတ်ထားတဲ့ အဓိပ္ပာယ်သတ်မှတ်ချက်မျိုး မရှိသေးပါဘူး။ ဒါပေမယ့် ဒီအပ်တစ်ခုရဲ့ လက္ခဏာတွေမှာ ဘာတွေပါလဲဆိုတော့~

• အများသိဖြစ်ခြင်း - ကုဒ်က ဘယ်သူမဆို ကြည့်လို့ရ၊ ကူးလို့ရပြီး စစ်လို့ရအောင် အများကို ချပြထားပါတယ်။
• ဗဟို ထိန်းချုပ်မှု မရှိခြင်း - ဒီအပ်တွေက ဘယ်သူ့ကိုမှ တာဝန်ပေးမထားပါဘူး၊ ဒီတော့ ဘယ် ဗဟိုထိန်းချုပ်ရေးကမှ သုံးစွဲသူတွေကို အပ်ပလီကေးရှင်းမှာ သူတို့လုပ်ချင်တာတွေ လုပ်မရအောင် တားလို့ မရပါဘူး။
• ဘလော့ချိန်း - ဗဟိုထိန်းချုပ်ထားတဲ့ စနစ်သာ မရှိဘူးဆိုရင် ဘယ်အရာက အပ်ပလီကေးရှင်းကို တစ်စုတစည်းတည်း ဖြစ်နေစေတာလဲ။ ဒီအပ်တွေက အစီအစဉ်ကျအောင် ဗဟိုထိန်းချုပ်စနစ်အစား (အီသာရီရမ်လို) ဘလော့ချိန်းတွေကို သုံးပါတယ်။
• စမတ်စာချုပ် - ဗဟိုအထိန်းအချုပ်မဲ့ အပ်ပလီကေးရှင်းတွေက တချို့စည်းမျဉ်းတွေအတိုင်း အလိုအလျောက် အလုပ်လုပ်နိုင်တဲ့ အီသာရီရမ် စမတ်စာချုပ်တွေကို သုံးပါတယ်။
• နိုင်ငံတကာဖြစ်ခြင်း - ရည်မှန်းချက်ကတော့ ကမ္ဘာပေါ်က ဘယ်သူမဆို ဒီ ဒီအပ်တွေကို ထုတ်လွှင့် အသုံးပြုခွင့် ရနိုင်ဖို့ပါပဲ။

ဒီအပ်တွေကို ဘာအတွက် သုံးကြတာလဲ

အီသာရီရမ် ဖန်တီးရှင် ဗာတာလစ် ဘူတာရင်း (Vitalik Buterin)က 2013 မှာ ထုတ်ဝေခဲ့တဲ့ အီသာရီရမ် စာတမ်းဖြူက ဒီအပ်တွေကို အဓိကအနေနဲ့ သုံးမျိုး ခွဲပေးပါတယ်။

• ဘဏ္ဍာရေးအပ်ပလီကေးရှင်းများ - ငွေကြေးနဲ့ဆိုင်တဲ့ အပ်ပလီကေးရှင်းမျိုးတွေ ဖြစ်ပါတယ်။
• ဘဏ္ဍာရေးနဲ့ ဆက်စပ် အပ်ပလီကေးရှင်းများ - ငွေကြေးနဲ့ဆိုင်တဲ့ ဗဟိုအထိန်းအချုပ်မဲ့ အပ်ပလီကေးရှင်းဖြစ်ရုံသာမက အီသာရီရမ် ဘလော့ချိန်းရဲ့ အပြင်က အချက်အလက်လို တခြားအချက်တွေပါတဲ့ အပ်ပလီကေးရှင်းတွေပါ။
• အခြားအပ်ပလီကေးရှင်းများ - အွန်လိုင်းမဲပေးခြင်းနဲ့ သိမ်းဆည်းရေး အပ်ပလီကေးရှင်းတွေ အပါအဝင် နည်းပညာရှင်တွေ ဖန်တီးဖို့ ကြိုးစားနေတဲ့ တခြားဗဟိုအထိန်းအချုပ်မဲ့ အပ်ပလီကေးရှင်းတွေပါပဲ။

ဘဏ္ဍာရေးအပ်ပလီကေးရှင်းများ

ဘဏ္ဍာရေးအပ်ပလီကေးရှင်းတွေကတော့ ဒီဖိုင်(Defi) အပ်ပလီကေးရှင်းလို့ပဲ အသိများကြပါတယ်၊ ဗဟိုအထိန်းအချုပ်မဲ့ ငွေကြေး (decentralized finance) ရဲ့ အတိုကောက်ဖြစ်ပါတယ်။

ရည်ရွယ်ချက်ကတော့ ငွေချေးခြင်း၊ သေတမ်းစာနဲ့ အာမခံကြေးတို့လို ပိုပြီး ရှုပ်ထွေးတဲ့ ဘဏ္ဍာရေးအပ်ပလီကေးရှင်းတွေ ပိုတိုးတက်လာဖို့ ဘလော့ချိန်း (အထူးသဖြင့် အီသာရီရမ်)ကို သုံးကြဖို့နဲ့ ဒစ်ဂျစ်တယ်ငွေကြေးတန်ဖိုးတွေကို တည်ငြိမ်အောင် လုပ်ပေးမယ့် စတေဘယ်လ်ကွိုင်း (stable coin) လို တခြားကွိုင်းတွေကို သုံးကြဖို့ပါပဲ။

ဘဏ္ဍာရေးနဲ့ ဆက်စပ်အပ်ပလီကေးရှင်းများ

ဒုတိယတစ်မျိုးကလည်း ဆင်တူပါပဲ ဒါပေမယ့် ဘူတာရင်း အီသာရီရမ် စာတမ်းဖြူမှာ ထည့်ခဲ့တဲ့အတိုင်း ဒီ အပ်ပလီကေးရှင်းမျိုးက ငွေကြေးနဲ့ ငွေရေးကြေးရေး မဟုတ်တဲ့အပိုင်းတွေ ရောနေပါတယ်။

ဘူတာရင်းက အီသာရီရမ် နည်းပညာရှင်တွေကို တစ်ယောက်ယောက်က လုပ်ဆောင်မှု ပြီးမြောက်မှသာ ဖွင့်ယူနိုင်တဲ့ ဆုငွေထားနည်းတွေ ဥပမာ ပြပေးပါတယ်၊။ အနောက်နိုင်ငံ ရုပ်ရှင်တွေမှာတော့ ဆုငွေကို လူတစ်ယောက် (သို့) ရာဇဝတ်သားကို ဖမ်းပေးနိုင်တဲ့ သူမျိုးကို ပေးပါတယ်။ ဒါပေမယ့် ဒီနေရာမှာတော့ ခက်ခဲတဲ့ တွက်ချက်ရတဲ့ ပြဿနာတွေ ဖြေရှင်းရတာမျိုးလို အန္တရာယ်နည်းတဲ့ တာဝန်တွေအတွက် ဆုငွေပေးတာပါ။

ဒီနေရာမှာ လှည့်ကွက်လေးကတော့ စမတ်စာချုပ်တွေက (သီအိုရီအရ) ဆုငွေ ရယူလိုသူက အလုပ်ရဲ့ အဖြေတစ်ခု ပေးပြီးပြီလားဆိုတာကို သိနိုင်ပြီး၊ တောင်းဆိုချက်နဲ့ ကိုက်ညီမှသာ ဆုငွေကို ထုတ်ပေးတယ်ဆိုတဲ့ အချက်ပဲ ဖြစ်ပါတယ်။

နောက်ထပ် ဥပမာတစ်ခုကတော့ အပြင်လောကက ရာသီဥတုအပေါ် မူတည်တဲ့ ကောက်ပဲသီးနှံ အာမခံတဲ့ အပ်ပလီကေးရှင်းပါ။ လယ်သမားတစ်ယောက်က မိုးခေါင်ပြီး သူ့ကောက်ပဲတွေ သေသွားခဲ့ရင် အလိုအလျောက် ပိုက်ဆံရတဲ့ အာမခံတစ်ကို ဝယ်ထားတယ်ဆိုပါစို့။

ဒီစမတ်စာချုပ်တွေက အရင်နှစ်က မိုးရေချိန် ဘယ်လောက်လက်မထိ ရွာထားတယ်ဆိုတာမျိုး အပြင်လောကရဲ့ အချိန်နဲ့တပြေးညီ အချက်အလက်ကို ပေးနိုင်တဲ့ အော်ရကယ် (oracle) လို့ ခေါ်တဲ့ အရာတွေပေါ်မှာ မှီခိုနေပါတယ်။

ဒါပေမယ့် သတိထားစရာတစ်ခုက နည်းပညာရှင်တွေက အော်ရကယ်တွေကို ဗဟိုအထိန်းအချုပ်မပါဘဲ သုံးလို့ရမယ်ဆိုတာကို အယုံအကြည်မရှိကြသေးတာပဲ ဖြစ်ပါတယ်။ သုံးစွဲသူတွေအနေနဲ့ကတော့ အချက်အလက်ဌာနက အချက်အလက် အမှန်တွေကို ပေးနေပြီး၊ သူတို့ ငွေရဖို့ အချက်အလက်ကို ကစားနေတာ မဟုတ်ဘူးဆိုတာ ယုံကြဖို့ပါပဲ။

အခြားအပ်ပလီကေးရှင်းများ - ဒီအေအို (DAO) နှင့်အခြား

အီသာရီရမ်က လိုက်လျောညီထွေမှု ရှိတဲ့ ပလက်ဖောင်းတစ်ခုဖြစ်လို့ နည်းပညာရှင်တွေကတော့ ပုံမှန် ငွေကြေး အမျိုးအစားတွေနဲ့ ကိုက်ညီမှု မရှိတဲ့ အခြားစိတ်ကူးတွေကို တွေးတောထားကြပါတယ်။

ဥပမာတစ်ခုကတော့ ဆင်ဆာဖြတ်ခြင်း မရှိတဲ့ ဗဟိုအထိန်းအချုပ်မဲ့ လူမှုကွန်ရက်တစ်ခု ဖန်တီးဖို့အတွက် အသုံးပြုတာမျိုးပါ။ တွစ်တာလိုမျိုး ခေတ်စားနေတဲ့ လူမှုအပ်ပလီကေးရှင်း တော်တော်များများက တချို့ပို့စ်တွေကို ဆင်ဆာဖြတ်ပြီး၊ တချို့ဝေဖန်ရေးသမားတွေကတော့ ဒီ လူမှူအပ်ပလီကေးရှင်းတွေက ဘယ်လိုစာမျိုးကို ဆင်ဆာဖြတ်တယ် အဆင့်ချတယ်ဆိုတာနဲ့ ပတ်သက်ပြီး တသမတ်တည်း မရှိတဲ့ စံနှုန်းတွေကို သုံးနေတယ်လို့ ပြောကြပါတယ်။

ဒီတော့ ပီးပက်(Peepeth)လို ဒီအပ်မျိုးနဲ့ဆိုရင် ဘလော့ချိန်းပေါ်ကို စာတစ်ခုတင်လိုက်တာနဲ့ ပလက်ဖောင်းကို တည်ဆောက်ခဲ့တဲ့ ကုမ္ပဏီကတောင် အဲ့စာကို ဖျက်လို့ မရတော့ပါဘူး။ အဲဒီစာက အီသာရီရမ်ပေါ်မှာ အမြဲတမ်း ရှိနေမှာပါ။

အချို့ကတော့ ဒီလို ဗဟိုအထိန်းအချုပ်မပါတဲ့ သဘောတရားကို ပိုပြီး ကျယ်ကျယ်ပြန့်ပြန့် သုံးကြပါတယ်။ တကယ်လို့ ဘစ်ကွိုင်က ဘဏ္ဍာရေးအာဏာပိုင်တွေကို မလိုအပ်တော့အောင် လုပ်နိုင်တယ်ဆိုရင် အခြား ကုမ္ပဏီတွေနဲ့ အဖွဲ့အစည်းတွေကိုရော အဲဒီလို မလိုအပ်တော့အောင် မလုပ်နိုင်ဘူးလား။

ဗဟိုအထိန်းအချုပ်မဲ့ ကိုယ်ပိုင် အဖွဲ့အစည်း ဒေါင်(DAO) တွေက အဲဒီမေးခွန်းကို “အင်း” လို့ ဖြေနိုင်ဖို့ ကြိုးစားခဲ့တဲ့ အောင်မြင်တဲ့ ဒီအပ်မျိုးကွဲတစ်မျိုးဖြစ်ပါတယ်။ ရည်ရွယ်ချက်ကတော့ ခေါင်းဆောင်မလိုတဲ့ ကုမ္ပဏီတစ်ခုကို ဖွဲ့စည်းပြီး ကနဦးကတည်းက အဖွဲ့သားတွေ ဘယ်လိုဝင်မယ်၊ မဲပေးမယ်၊ ကုမ္ပဏီစုငွေတွေကို ဘယ်လိုထုတ်မယ် စသဖြင့် အခြားကိစ္စတွေနဲ့ ပတ်သက်ပြီး စည်းမျဉ်း ပရိုဂရမ်တွေကို ရေးဆွဲထားဖို့ ဖြစ်ပါတယ်။ ဖွဲ့စည်းပြီးတာနဲ့ ဒေါင်(DAO)က အဲဒီစည်းမျဉ်းတွေအောက်မှာ အလုပ်လုပ်မှာ ဖြစ်ပါတယ်။

ဒီအပ်တွေအနေနဲ့ ဘယ်လိုအခက်အခဲတွေ ကြုံရလဲ

ဒီအပ်တွေကတော့ ကနဦးပိုင်း စမ်းသပ်ဆဲပဲ ရှိသေးပြီး၊ နည်းပညာရှင်တွေကလည်း သူတို့ကို နှောင့်နှေးကြန့်ကြာစေတဲ့ အခြေခံကွန်ရက်နဲ့ ပတ်သက်တဲ့ အရေးကြီး ပြဿနာတွေကို ဖြေရှင်းရဦးမှာ ဖြစ်ပါတယ်။ နောက်တစ်ခုက အီသာရီရမ်မှာ သုံးစွဲသူတွေ များလာတဲ့ အချိန်မှာ ဒီအပ်တွေက သုံးဖို့ အရမ်းဈေးကြီးနေနိုင်ပါတယ်။ တစ်ခါတစ်ရံ သမားရိုးကျ အပ်ပလီကေးရှင်းတွေက ချဲ့ထွင်ခြင်းနဲ့ ပတ်သက်ပြီး ပြဿနာလေးတွေ ရှိပေမဲ့ ဒါတွေက ဗဟိုအထိန်းအချုပ်မပါတဲ့ နယ်ပယ်အပိုင်းမှာ ပိုပြီး ကြီးနေတာမျိုးပါ။ ၎င်းရဲ့ သဘောသဘာဝအရ ရင်းနှီးမြှုပ်နှံသူတွေ အများကြီးထဲမှာ ပူးပေါင်းလုပ်ဆောင်မှု၊ လိုက်နာမှု တစ်ခုခုမရှိဘဲနဲ့ အလုပ်မလုပ်နိုင်လို့ပဲ ဖြစ်ပါတယ်။

နည်းပညာရှင်တွေက ဒီအပ်တွေကို ဘယ်လိုဖန်တီးကြလဲ

အီသာရီရမ် နည်းပညာရှင်တွေက အီသာရီရမ်ကို လူသိများတဲ့ ပရိုဂရမ်ဘာသာစကားဖြစ်တဲ့ ဂျာဗားစခရစ်နဲ့ ချိတ်ဆက်နိုင်ဖို့ စမတ်စာချုပ် ဖန်းတီးတဲ့ ထရပ်ဖယ် (Truffle) နဲ့ ဝဘ်သရီး (Web3)ကို ဖန်တီးထားပြီး ဖြစ်ပါတယ်။ ဒါကြောင့် ကမ္ဘာအနှံ့က နည်းပညာရှင်တွေက အိပ်မက်တွေ လက်တွေ့ဖြစ်လာဖို့ ဒီအပ်တွေကို ကြိုးစားပြီး စမ်းသပ်နိုင်ကြပါပြီ။

အရင်းအမြစ်: Coindesk

ဘာသာပြန်သူ : Ko Myat Minn Kyaw

❄️❄️❄️❄️❄️❄️❄️

3. ရင်းနှီးမြှုပ်နှံမှုဆိုင်ရာ အဆိုအမိန့်