ဂတ်စ်ဖိုးဆိုတာက အီသာရီရမ် ဘလော့ချိန်းပေါ်မှာ ဘာလုပ်ငန်းစဉ်မျိုးမဆို လုပ်ဆောင်ဖို့ သုံးစွဲသူအကုန် မဖြစ်မနေ ပေးရတဲ့ အရာပါ။
အလကားစားရတဲ့ နေ့လည်စာဆိုတာ မရှိသလိုပဲ အခမဲ့ ငွေလွှဲလို့ ရတာလည်း မရှိပါဘူး။ ဒေါ်လာ 20 ရဖို့ အေတီအမ် ငွေထုတ်စက်မှာ 5 ဒေါ်လာလောက် သုံးရတာက စိတ်ပျက်စရာကောင်းတယ်ဆိုရင် ဒေါ်လာ 500 လွှဲဖို့ ဒါမှမဟုတ် ပင်ဂွင်းတစ်ကောင်ရဲ့ ပုံကို ရဖို့ ဒေါ်လာ 100 လွှဲရတာကို စိတ်ကူးကြည့်ပါ။
မမြင်လွယ်တဲ့ ဥပမာဆိုပေမယ့် အီသာရီရမ်ကွန်ရက်မှာ ငွေလွှဲဖို့ ဒါမှမဟုတ် လုပ်ငန်းစဉ်တစ်ခု လုပ်ဖို့ တစ်ခါတရံမှာ ဒါက ပြဿနာဖြစ်လာနိုင်ပါတယ်။ အေတီအမ် ငွေလွှဲခနဲ့ မတူတာက လကုန်မှာ အီသာရီရမ်ကွန်ရက်က ကိုယ့်ကို ဂက်စ်ခ ပြန်ပေးမှာ မဟုတ်ပါဘူး။
ဂတ်စ်ဆိုတာ ဘာလဲ
ဂတ်စ်ဆိုတာက ကွန်ရက်နဲ့ ချိတ်ဆက်လုပ်ဆောင်ဖို့ လိုအပ်တဲ့ အီသာရီရမ်ရဲ့ ကိုယ်ပိုင် ငွေကြေးဖြစ်တဲ့ အီသာပမာဏကို ပြောတာပါ။ ဒီ အခကြေးငွေတွေကို ငွေလွှဲခ အတည်ပြုဖို့ အီသာရီရမ် မိုင်းတူးတဲ့သူတွေအတွက် လိုအပ်တဲ့ စွမ်းအင်ကို ပြန်ပြီး ကာမိဖို့နဲ့ ကွန်ရက်ကို မကောင်းတဲ့ လူတွေအတွက် ဈေးကြီးအောင် လုပ်ထားပြီး အီသာရီရမ် ကွန်ရက်ကို ပိုပြီး လုံခြုံအောင် လုပ်ဖို့ပါ။
ဒီလိုအခကြေးငွေကောက်တာက ငွေလွှဲခတွေကို ဆက်အတည်ပြုဖို့ မိုင်းတူးသမားတွေကို မက်လုံးပေးတဲ့ နည်းကောင်းဖြစ်ပြီး ကွန်ရက်ကို လုံခြုံစေပေမယ့် ဂတ်စ်ခပေးရတာက သုံးစွဲသူတိုင်းရဲ့ အီသာရီရမ်ကို မကြိုက်ဆုံးအချက် ဖြစ်ပါတယ်။ လူတွေဂတ်စ်ခကို မကြိုက်ကြတာ အခကြေးငွေ ပေးရလို့တင် မဟုတ်ဘဲ ကွန်ရက်သုံးတာ များနေတဲ့ အချိန်မှာ ဂတ်စ်ခက အရမ်းဈေးကြီး တာကြောင့်လည်း ပါပါတယ်။
ဒီတော့ ဘာက ဂတ်စ်ခတွေကို အရမ်းဈေးကြီးစေလဲဆိုတာနဲ့ အီသာရီရမ်ရဲ့ စနစ်နဲ့ ချိတ်ဆက်လုပ်ဆောင်တဲ့အချိန်မှာ ပိုက်ဆံသက်သာဖို့ ဘာတွေလုပ်နိုင်မလဲဆိုတာ ကြည့်လိုက်ရအောင်။
ဂတ်စ်ခတွေကို ဘယ်လိုတွက်တာလဲ
ဂတ်စ်ခတွေ ဘာကြောင့်ဈေးကြီးလဲဆိုတာနဲ့ ဘယ်လိုပိုက်ဆံချွေတာမလဲဆိုတာကို နားလည်ဖို့ ဂတ်စ်ခတွေကို ဘယ်လိုတွက်ယူလဲဆိုတာကို နားလည်ဖို့ အရေးကြီးပါတယ်။
အီသာရီရမ်ပေါ်က ဂတ်စ်ခတွေက 1 အီးတီအိတ်ချ်(ETH) ထက်နည်းတာကြောင့် (တစ်ခါတလေ နည်းတယ် မထင်ရပေမယ့်) အီသာရီရမ်က 1 ETHကို ဝီ(Wei) သန်းတစ်သန်းနဲ့ ညီမျှတဲ့ ဝီဆိုတဲ့ ယူနစ်ပါတဲ့ မက်ထရစ်စနစ်တစ်ခုကို အသုံးပြုပါတယ်။ (သန်းတစ်သန်းဆိုတာ 1 နောက်က သုည 18 လုံးပါတဲ့ ဂဏန်းတစ်ခုပါ။) အသုံးအများဆုံး ဝီတန်ဖိုးထဲက တစ်ခုဖြစ်ပြီး ဂတ်စ်ခကို ကိုယ်စားပြုတဲ့ ဝီကတော့ ဂစ်ဂါဝီ (gwei) ဒါမှမဟုတ် ဝီတစ်သန်းပါ။ အဲဒါကြောင့် ဂတ်စ်ခစစ်တဲ့အရာနဲ့ စစ်ပြီး ငွေလွှဲခအတွက် ပျမ်းမျှဂတ်စ်ခက 100ဂစ်ဂါဝီဆိုရင် အဲဒီငွေလွှဲခအတွက် အခြေခံဈေး 0.0000001 ETH ပေးရမှာပါ။ (ငွေချေချိန်မှာ 0.00031 ဒေါ်လာပါ)
ကိုယ်က တိုကင်ထုတ်ဖူးတာ ဒါမှမဟုတ် အိုးပမ်းဆီး (OpenSea)လို တစ်ဆင့်ဈေးကွက်ကနေ တိုကင်ဝယ်ဖူးရင် 100ဂစ်ဂါဝီဆိုတာ အန်အက်ဖ်တီ(NFT) လွှဲဖို့အတွက် ခိုးတာလို့ ထင်ကောင်းထင်မှာပါ။ ဒါကဘာလို့လဲဆိုတော့ အခြေခံဈေးဆိုတာက အားလုံးပေါင်းဈေးရဲ့ တစ်စိတ်တစ်ပိုင်းလောက်ပဲ ဖြစ်နေလို့ပါ။ အီသာရီရမ် လန်ဒန် အဆင့်မြှင့် ဗားရှင်းက ပြန်ညှိထားတဲ့ ဂတ်စ်ခအရ စုစုပေါင်းဈေးကို ဒီအတိုင်းတွက်ကြပါတယ်။
စုစုပေါင်းဈေး = ဂတ်စ်ခ (လစ်မစ်) × (အခြေခံဈေး + ဘောက်ဆူး)
ဂတ်စ်ခ(လစ်မစ်) - ဒါကတော့ ငွေလွှဲမှုတစ်ခုပေါ်မှာ ကိုယ်သုံးချင်တဲ့ ဂတ်စ်ရဲ့ အများဆုံးပမာဏပါ။ ကိုယ့်ငွေလွှဲတာက ဂတ်စ်ဘယ်လောက်ကျမယ်ဆိုတာ ချိန်လို့ ရပေမယ့် သေချာချိန်ဖို့ အရေးကြီးပါတယ်။ ဘာလို့လဲဆိုတော့ အီသာရီရမ်ဘလော့ချိန်းရဲ့ မတူညီတဲ့ ငွေလွှဲမှုတွေက လွှဲပြီးဖို့ မတူညီတဲ့ ဂတ်စ်ပမာဏတွေ လိုတာကြောင့်ပါပဲ။
အခြေခံဈေး - ဒါကတော့ အီသာရီရမ် ဘလော့ချိန်းပေါ်က ငွေလွှဲမှုတစ်ခုကို ထည့်ဖို့ လိုအပ်တဲ့ အနည်းဆုံးဂတ်စ်ပမာဏပါ။ အခြေခံဈေးအတွက် လိုအပ်တဲ့ ဂတ်စ်ကို ဘယ်ငွေလွှဲတာမျိုးကိုမဆို ငွေလွှဲမှု ဘယ်လောက်ထိ ထည့်စေချင်လဲနဲ့ပဲ ဆုံးဖြတ်ပါတယ်။ အခြေခံဈေးတွေက ဘယ်လောက်ထိ လုပ်စေချင်တယ်ဆိုတာပေါ် မူတည်တဲ့အတွက် ဘယ်အချိန်မဆို ကွန်ရက်နဲ့ အသုံးပြုနေတဲ့ သုံးစွဲသူတွေအပေါ် မူတည်ပြီး ဈေးကို ညှိသွားတာပါ။
ဘောက်ဆူး - ဦးစားပေးခလို့လည်း သိကြတဲ့ ဘောက်ဆူးကတော့ ကိုယ့်ငွေလွှဲတာကို မြန်မြန်ပြီးအောင် လုပ်ပေးတဲ့ အပိုအခကြေးငွေပါ။ ဒီအခကြေးငွေကို ဘောက်ဆူးလို့ သိကြတာက အီသာရီရမ် မိုင်းတူးသမားတွေ ကိုယ့်ငွေလွှဲတာကို သူများတွေထက် အရင်အတည်ပြုပေးအောင် ငွေကြေးမက်လုံးပေးတာကြောင့်ပါပဲ။ မိုင်းတူးသမားက ဦးစားပေးခပါတဲ့ ငွေလွှဲတာကို အတည်ပြုလိုက်တာနဲ့ သူတို့က အဲဒီဦးစားပေးခကို အတည်ပြုပေးတဲ့အတွက် ရပါတယ်။ မိုင်းတူးသမားတွေက ဘယ်ငွေလွှဲတာက ဘောက်ဆူးပါတယ်ဆိုတာကို မြင်ရတာကြောင့် သူတို့ ပိုက်ဆံများများရဖို့ ဘောက်ဆူးအများဆုံးပါတဲ့ ငွေလွှဲတာကို ဦးစားပေးပြီး လုပ်ပေးမှာပါ။
ကိုယ်ငွေလွှဲဖို့အတွက် လိုအပ်တဲ့ ဂတ်စ်ပမာဏအောက် ကိုယ့်ရဲ့ ဂတ်စ်လစ်မစ်ကို ထားလိုက်မယ်ဆိုရင် ငွေကတော့ မလွှဲပေမယ့် ဂတ်စ်ခကတော့ ပြန်ရမှာ မဟုတ်ဘူးဆိုတာ သိထားဖို့ အရေးကြီးပါတယ်။ ဘာလို့လဲဆိုတော့ မိုင်းတူးသမားက ငွေလွှဲတာ အတည်ပြုပေးဖို့ ဒီလောက်အလုပ်ကို လုပ်ပေးခဲ့ရပြီး ငွေလွှဲတာ မအောင်မြင်ရင်တောင်မှ သူတို့က လုပ်ပေးလို့ အခကြေးငွေရပါတယ်။
စုစုပေါင်းဈေးကို တွက်ဖို့ဆိုရင် ကျွန်တော်က ခင်ဗျားကို 1 ETH လွှဲချင်နေပြီး အီသာရီရမ်ပေါ်မှာ ETH လွှဲဖို့ လိုအပ်တဲ့ ပျမ်းမျှ ဂတ်စ်ပမာဏက 2,3000ဂစ်ဂါဝီ ဆိုပါတော့။ ကျွန်တော်က အဲဒါကို ဂတ်စ်လစ်မစ်အနေနဲ့ ထားလိုက်မယ်။ အဲဒီအချိန်မှာ ငွေလွှဲဖို့လိုတဲ့ အနည်းဆုံး ဂတ်စ်ပမာဏ (အခြေခံဈေး) က 150ဂစ်ဂါဝီပေါ့၊ ဒါပေမဲ့ ကျွန်တော်က မြန်မြန်လွှဲချင်တော့ 20ဂစ်ဂါဝီကို ဘောက်ဆူးအနေနဲ့ ထည့်လိုက်မယ်။ ဒီလိုအခြေအနေမျိုးမှာတော့ စုစုပေါင်းဈေးအတွက် ပုံသေနည်းက ဒီလို ဖြစ်မှာပေါ့။
1 ETH လွှဲဖို့ စုစုပေါင်း အခကြေးငွေ = 2,3000 gwei × (150 gwei + 20 gwei)
ဒီအတိုင်းဆိုရင် စုစုပေါင်းအခကြေးငွေက 3910000ဂစ်ဂါဝီ ဒါမှမဟုတ် 0.00391 ETH (ငွေချေချိန်မှာ 13 ဒေါ်လာခန့်) ကျပါမယ်။ ဆိုလိုတာက ကျွန်တော်က အီသာရီရမ် ဘလော့ချိန်းကို 1.00231 ETH ပေးရပြီး ခင်ဗျားက လှတဲ့ JPG တွေ ဝယ်ဖို့ 1 ETH ရမှာပေါ့။
ဂတ်စ်ခတွေက ဘာလို့ အရမ်းဈေးကြီးတာလဲ
စုစုပေါင်းဂတ်စ်ခတွေကို ဘယ်လိုတွက်လဲဆိုတာ နားလည်ပြီးရင် ဂတ်စ်ခတွေ ဘာလို့ ဈေးကြီးလဲဆိုတာ ပိုပြီးသိလာနိုင်ပါတယ်။ အဓိကကတော့ လောလောဆယ် ဂတ်စ်ခတွေ အရမ်းမြင့်သွားရတဲ့ အကြောင်းရင်း နှစ်ခုက
- ဂတ်ခ်ခကို ဂစ်ဂါဝီ နဲ့ သတ်မှတ်ခြင်းနဲ့
- အီသာရီရမ်ရဲ့ စုစုပေါင်းဈေး ပုံသေနည်းတွေ ပြောင်းလဲခြင်းကြောင့်ပါ။
ETH ဈေးကြီးလို့ ဂတ်စ်ခဈေးကြီးတယ်
ဂတ်စ်ခတွေ ဈေးကြီးရတဲ့ အရေးကြီးတဲ့ အကြောင်းကတော့ ETH က ပိုဈေးကြီးးလာလို့ပါပဲ။ ဂတ်စ်ခတွေကို ETHကို နောက်တစ်မျိုးဖော်ပြတဲ့ gwei နဲ့ သတ်မှတ်တယ်ဆိုတာ ပြန်သတိရပါ။ ဒီလိုဝယ်လိုအားတွေ တက်လာရတဲ့ အဓိကအကြောင်းရင်းက ဗဟိုအထိန်းအချုပ်မဲ့ငွေကြေးနဲ့ အန်အက်ဖ်တီအပိုင်းတွေ အရမ်းထွန်းကားလာတာကြောင့် ဖြစ်ပြီး ဒါကလည်း သုံးစွဲသူအသစ်တွေကို အီသာရီရမ်စနစ်ဆီရောက်လာအောင် ဆွဲခေါ်နေတာပါပဲ။
အခြေခံဈေးက ပိုကုန်လာလို့ ဂတ်စ်ခဈေးကြီးတယ်
အခုဂတ်စ်ခတွေ အရမ်းကုန်ရတာက အီသာရီရမ်ရဲ့ စုစုပေါင်းဈေးက ပြောင်းလဲနေလို့ပါ။ အခြေခံဈေးဆိုတာ အီသာရီရမ် ဘလော့ချိန်းပေါ်မှာ ငွေလွှဲဖို့ လိုအပ်တဲ့ အနည်းဆုံး ဂတ်စ်ပမာဏ ဖြစ်ပြီး ကိုယ်ငွေလွှဲတာကို ဘယ်လောက်ထိ ပါစေချင်လဲဆိုတဲ့ အပေါ် မူတည်ပြီး ဈေးကို ညှိတယ်ဆိုတာ မှတ်ထားပေးပါ။ ရလဒ်အနေနဲ့ကတော့ အီသာရီရမ်ဘလော့ချိန်းမှာ လွှဲလိုအား များလာတာနဲ့ အခြေခံဈေးက လိုက်တက်လာတာပါပဲ။
အီသာရီရမ် ဘလော့ချိန်းပေါ်မှာ အလုပ်လုပ်နေတဲ့ ဗဟိုအထိန်းအချုပ်မဲ့ အပ်ပလီကေးရှင်း (ဒီအပ်) ပေါင်း 3,000 ကျော်ရှိပြီး အကုန်လုံးက တခြား အီသာရီရမ် ကွန်ရက် အသုံးပြုသူတွေနဲ့အတူ ငွေလွှဲတာ တွေပါ ထည့်ပေးဖို့ လုပ်ထားကြတာပါ။ ဒီအပ်တစ်မျိုးတည်းနဲ့တင် အီသာရီရမ်ပေါ်မှာ နေ့စဉ်သုံးစွဲသူပေါင်း 100,000 ရှိပြီး တစ်နေ့ကို ငွေလွှဲမှုပေါင်း 250,000 ဝန်းကျင် ရှိပါတယ်။
အီသာရီရမ်ကို ကျယ်ကျယ်ပြန့်ပြန့်သုံးလာကြတာက အခြေခံဈေးတွေကို မြင့်စေရုံတင်မက အခြေခံဈေးအတွက် ဂတ်စ်ခကိုပါ ပိုပြီး မငြိမ်ဖြစ်စေပါတယ်။ ဂတ်စ်ခတွေကို ပိုငြိမ်အောင်လုပ်ဖို့ ကြိုးစားတဲ့အနေနဲ့ အီသာရီရမ်ရဲ့ EIP 1599 အဆင့်မြင့် ဗားရှင်းက ငွေမလွှဲခင် အခြေခံဈေးကို တွက်ပေးဖို့ လုပ်ထားပါတယ်။ EIP 1599 ရဲ့ အကျိုးအပြစ်တွေကိုတော့ ပြောဆိုနေကြတုန်းပဲ ဖြစ်ပြီး အီသာရီရမ် ဝယ်လိုအား များလာတာကြောင့် အခြေခံဈေးကတော့ စုစုပေါင်း ဂတ်စ်ခကို ဆက်ပြီး တက်စေတုန်းပါပဲ။
အီသာရီရမ် 2.0 က အီသာရီရမ်ရဲ့ သဘောတူညီချက် အယ်လ်ဂိုရစ်သမ်ကို အလုပ်သက်သေပြချက် (proof-of-work, PoW) ကနေ ပိုင်ဆိုင်မှုသက်သေပြချက် (proof-of-stake, PoS) ကို ကူးပြောင်းတာ မြင်ရမယ့် အီသာရီရမ်ကွန်ရက်ရဲ့ အဆင့်မြှင့်မှုကြီးပါ။ ကွန်ရက်ကို အကျိုးဖြစ်စေမယ့် အကျိုးတွေထဲကမှ ဒီဗားရှင်းက ငွေလွှဲနိုင်စွမ်းတွေနဲ့ မိုင်းတူးသမားတွေနဲ့ ဆက်ဆံနိုင်စွမ်းတွေကို တိုးတက်အောင်လုပ်ပြီး တခြားဈေးကွက်ထဲက သူတွေထက် အီသာရီရမ် အခကြေးငွေကို သိသိသာသာ လျှော့ချပစ်လိုက်တာပါ။
ဂတ်စ်ခနည်းအောင် ဘယ်လိုသုံးကြမလဲ
အီသာရီရမ် ဘလော့ချိန်းကို သုံးချိန်မှာ ဂတ်စ်ခကို ရှောင်ဖို့ မဖြစ်နိုင်ပေမယ့် နည်းသွားအောင်တော့ လုပ်လို့ရတဲ့ နည်းတွေရှိပါတယ်။
အချိန်ကောင်းကို ရွေးပြီး စိတ်ရှည်ပါ
ဆိုးတာက ဂတ်စ်ခရဲ့ ဆိုးကျိုးကိုတော့ တိုက်ရိုက်လျှော့ချလို့ မရပေမယ့် အခြေခံဈေးနဲ့ ဘောက်ဆူးကို လျှော့ချပြီး စုစုပေါင်းဈေးကိုတော့ လျှော့လို့ရပါတယ်။
အခြေခံဈေးကို လျှော့ပြီး စုစုပေါင်းဂတ်စ်ခကို လျှော့ဖို့ ကိုယ့်ရဲ့ ငွေလွှဲမှုကို ဘလော့ချိန်း လူသုံးနည်းတဲ့ အချိန်မှာ လုပ်လို့ရပါတယ်။ ဘာလို့လဲဆိုတော့ အခြေခံဈေးဆိုတာက အီသာရီရမ် သုံးလိုအားကို ကိုယ်စားပြုချက်တစ်ခုပါပဲ။ အီသာရီရမ် ကွန်ရက်နဲ့ ပိုပြီး ဆက်သွယ် လုပ်ဆောင်ဖို့လိုရင် ဂတ်စ်ခတွေက ပိုဈေးကြီးပါတယ်။ ဒါကြောင့် အီသာရီရမ်ကွန်ရက်နဲ့ လုပ်ဆောင်ဖို့ အသုံးနည်းတဲ့အချိန်ကို ရှာနိုင်ရင် ကိုယ့်ငွေလွှဲမှုရဲ့ အခြေခံဈေးကို လျှော့ချပြီး ဂတ်စ်ခကို နည်းနည်းပဲ သုံးလို့ရပါတယ်။ စနေ တနင်္ဂနွေကတော့ ဒီလိုလုပ်ဖို့အတွက် အကောင်းဆုံးအချိန်ပါပဲ။
စုစုပေါင်းဂတ်စ်ခကို လျှော့ချတဲ့ နောက်တစ်နည်းက ဘောက်ဆူးကို လျှော့တာပါ။ ဘောက်ဆူး ဒါမှမဟုတ် ဦးစားပေးခက မြန်မြန်ငွေလွှဲလို့ရဖို့ အပြန်အလှန်အနေနဲ့ မိုင်းတူးသမားတွေကို ပေးရတဲ့ ထပ်ဆောင်းငွေပါ။ ကိုယ်က အချိန်နဲ့ လွှဲဖို့မလိုဘူး စိတ်ရှည်တယ်ဆိုရင် ဘောက်ဆူး လျှော့ပေးတာကလည်း ဂတ်စ်ခသက်သာစေမယ့် နောက်တစ်နည်းပါပဲ။
ကိုယ့်ငွေလွှဲမှုမှာ အများဆုံး အခကြေးငွေ ကန့်သတ်ခြင်း
ဂတ်စ်ခနည်းအောင်လုပ်ဖို့ နောက်တစ်နည်းကတော့ ကိုယ့်ငွေလွှဲမှုမှာ အများဆုံး ဂတ်စ်ခ ကန့်သတ်ထားတာပါပဲ။ ဂတ်စ်ခ ကန့်သတ်တာက ဂစ်ဂါဝီဘယ်လောက်ကို စုစုပေါင်း ဂတ်စ်ခအနေနဲ့ သုံးပြီး ဂစ်ဂါဝီ ဘယ်လောက်ကိုပဲ အများဆုံး သုံးမယ်လို့ အီသာရီရမ်ဘလော့ချိန်းကို ပြောလိုက်တာပါ။ ငွေလွှဲပြီးတာနဲ့ အီသာရီရမ်ကွန်ရက်က ဂတ်စ်ခအနေနဲ့ မသုံးလိုက်တဲ့ အများဆုံး ဂတ်စ်ခရဲ့ ကျန်တဲ့ငွေကို ပြန်လွှဲပေးမှာပါ။
ဂတ်စ်ခကန့်သတ်တာက ဂတ်စ်ခနည်းအောင် လုပ်ပေးရုံတင်မကဘဲ ငွေလွှဲခတစ်ခုအတွက် လိုအပ်တာထက် ပိုမပေးရတဲ့အတွက် ကိုယ့်စိတ်ကိုလည်း ကျေနပ်စေပါတယ်။ ဒါပေမဲ့လည်း ဂတ်စ်ခ ကန့်သတ်တာနဲ့ ပတ်သက်ပြီး ကိုယ်ငွေလွှဲဖို့ လိုတဲ့ ဂတ်စ်ပမာဏအောက်ကို ကန့်သတ်ထားတာက ငွေလွှဲလို့ မရစေဘဲ ကိုယ့်ရဲ့ ဂတ်စ်ခကိုပါ ဆုံးစေနိုင်ပါတယ်။
အလွှာ2 ပုံစံချ ဖြေရှင်းနည်း
နောက်ဆုံးမှာ အီသာရီရမ် အလွှာ2 ပုံစံချ ဖြေရှင်းနည်းနဲ့ အီသာရီရမ် ဘလော့ချိန်းမှာ ဂတ်စ်ခနည်းအောင် လုပ်လို့ရပါတယ်။ ပုံစံချတဲ့ ကိရိယာတွေက ငွေလွှဲနှုန်းနဲ့ တစ်စက္ကန့် ငွေလွှဲနိုင်နှုန်းကို တိုးစေဖို့ လုပ်ထားတဲ့ အီသာရီရမ် ကွန်ရက်ရဲ့ တိုးချဲ့ ကိရိယာတွေပါ။ တချို့ လူသိများတဲ့ ဥပမာတွေကတော့ အာဘစ်ထရမ် (Arbitrum)၊ လုပရင်း (Loopring) နဲ့ ဒီဝိုင်ဒီအိတ်စ် (dYdX) တွေဖြစ်ပါတယ်။
အလွှာ2 ပုံစံချ ဖြေရှင်းနည်းတွေကို ထိန်းချုပ်ထားတာ မရှိပါဘူး၊ ဆိုလိုတာက အီသာရီရမ် ဘလော့ချိန်းကနေ ငွေလွှဲမှုတွေကို သီးခြားဆောင်ရွက်နိုင်တာပါပဲ။ အလွှာ2 ပုံစံချ ဖြေရှင်းနည်းကို အသုံးပြုပုံ အမျိုးမျိုးရှိပေမယ့်လည်း ပုံစံတစ်မျိုးတည်းနဲ့ပဲ လုပ်ဆောင်ပါတယ်။ အလွှာ2 ငွေလွှဲမှုတွေကို အထိန်းအချုပ်မဲ့ လွှဲပြီး အီသာရီရမ် ကွန်ရက်ကနေ အတည်ပြုပြီး မှတ်တမ်းတင်ထားပါတယ်။
စုစုပေါင်းဈေးကိုတွက်တဲ့ ပုံသေနည်းကို နောက်တစ်ခါ ထပ်ကြည့်မယ်ဆိုရင် အလွှာ2 ပုံစံချ ဖြေရှင်းနည်းတွေက တစ်ခါငွေလွှဲဖို့ လိုတဲ့ ဂတ်စ်ယူနစ်ကို လျှော့ချပြီး ဂတ်စ်ခသက်သာအောင် လုပ်ပေးပါတယ်။ ဒီနည်းက ငွေလွှဲမှုကို အတည်ပြုနေချိန် အီသာရီရမ်နဲ့ပဲ အလုပ်ဖြစ်တာကြောင့် ငွေလွှဲမှုကို ကိုင်တွယ်ဖို့ အီသာရီရမ် မိုင်းတူးသမားတွေအတွက် ဂတ်စ်ခနည်းနည်းပဲ လိုပါတယ်။ အလွှာ 2 ပုံစံချ ဖြေရှင်းနည်းတွေက အီသာရီရမ် ကွန်ရက် အသုံးများတာကိုလည်း လျှော့ချပေးပြီး သုံးစွဲသူအားလုံးအတွက် အခြေခံဈေးကို လျော့ကျစေပါတယ်။ ဒီလိုလုပ်လိုက်တာနဲ့ အလွှာ 2 ပုံစံချ ဖြေရှင်းနည်းက ကိုယ့်ကို ဂတ်စ်ခနည်းနည်းပဲ သုံးရဖို့ ကူညီပေးနိုင်မှာပါ။
အရင်းအမြစ်: Coindesk
❄️❄️❄️❄️❄️❄️❄️
3. ရင်းနှီးမြှုပ်နှံမှုဆိုင်ရာ အဆိုအမိန့် | 
